- Rauf, başlayaq “Xəzər Lənkəran”la oyundan. Qarşılaşma haqda nə deyə bilərsən?
- Biz bu matça yalnız qələbə qazanmaq üçün çıxmışdıq. Qeydə alına biləcək heç-heçə belə bizim üçün pis nəticə sayılacaqdı. Bu səbəbdən də oyuna çox ciddi hazırlaşmışdıq. Çox şadam ki, istəyimizə də çatdıq. Zəhmətimiz hədər getmədi. Oyun çox gərgin keçdi. Hər iki komanda çempionatın iddialılarındandır və bu səbəbdən də oyun maraqlı alındı. Sonda bütün komanda üzvləri kimi mən də qalib gəldiyimiz üçün çox sevindim.
- Son 2 turdu ki, fərqlənirsən, vacib xallar qazandırırsan, bunun üçün çox çalışırsan?
- Əlbəttə. Qol vurmaq hər hücumçunun işidir. Qol vuranda həm adın çıxır, həm də üzdə olursan.
- Qolların gözəl alınır. Əsasəndə başla...
- Gözəlliyini deyə bilmərəm. Mənim üçün fərqi yoxdur. Gözəldi yoxsa...
- Komanda Quzanlıda oyun keçirməsi sizə stimul verir?
- Doğma torpaqda oyun keçirməyimiz böyük stimuldur. Artıq neçə oyundur ki, məğlub olmuruq.
- Bu il hər iki kuboku qazanmaq əzmindəsiniz?
- 16 ildən sonra doğma torpaqda oynadıq. 16 ildən sonra yenə "qızıl dubl" etmək üçün çalışırıq
- Əsasən ehtiyatda qalırsan. Və meydan daxil olanda qol vurursan. Bu da Semihi xatırladır. Səni Semih adlandıran olur?
- Mən özüm "Fənərbaxça"-nın azarkeşiyəm. Semih də xoşladığım futbolçudur. Meydana daxil olduqdan sonra qol vurduğuma görə dost-tanış Semih adlandırır.
- Özünü necə xarakterizə edərsən?
- Deyib-gülən sadə bir oğlan.
- Bildiyimizə görə kitabla aran yoxdur.
- Məktəbdə oxumamışamş. 11 il gedib gəlmişəm.
- Komandada sənə ən yaxın futbolçu?
- Ən yaxın olan futbolçu Maksim Medvedev. Artıq 10 ildi ki, bir yerdəyik.
- İlk qolun yadındadır?
- "Gənclərbirliyi"-nə vurduğum qol. Həmin oyunu 3:1 qazanmışdıq
- Ailədə səndən başqa futbolçu var?
- Qardaşım Ramil Əliyev. MOİK-də oynayır
- Xoşladığın futbolçu?
- Çox hücumçulardan xoşum gəlir.
- Kumirin?
- Kumirim yoxdur.
- Arzularının komandası
- Avropada istənilən komanda. Azərbaycanda tapmışam.
- Hansı ölkədə yaşamaq istəyərdin?
- Budapeştdə. Mənə çox maraqlı gəlir.
- Yığma komandadan danışaq. Berti Foqts gələndən nə dəyişib?
- Foqts gənclərə üstünlük verir. Belə tanışlığım yoxdur.
- Yığmaya özünü hazır sayırsan?
- Nə bilim Vallah. Məşqçilər bilər.
- Millinin hansı oyunu sənə zövq verib?
- Son oyunda bir az zövq aldım
- Komanda yoldaşların haqqında. Vaqif Cavadov...
- Sadə. Gözəl insan. Yaxın dostlarımdandır. Şox parodiya elədiyim bir şəxdir.
- Vüqar Nadirov...
- Düzünü desəm yaşıdlarım mənə yaxındır. Vüqar da yaxşı insandır. Mehribandır. Komnadaya yeni gəlsə də, elə bil 10 ildi bir yerdəyik.
- Əfran İsmayılov...
- Əfranla da çoxdan dostuq. Bir yerdə komandaya gəlmişik.
- Aslan Kərimov...
- Əsl kapitan
- Fərhad Vəliyev...
- Gözəl qapıçı.
- Admir Teli...
- Onunla yolumuz birdi. Bir yerdə gedirik. Bir təhər danışırıq.
- Sonda Fanatlara sözün...
- Daim bizi dəstəkləsinlər!